NGAYON lang nagkaroon ng pagkakataon na muling nalibot ni Tami ang bahay nila ni KG. Nitong mga nakaraang araw ay wala siyang oras para doon dahil na rin sa nangyari sa kaniyang lolo’t lola. Kung umuwi man siya sa bahay na iyon ay para lang matulog. Ganoon din ang asawa niyang si KG.
Nang mga sandaling iyon ay nasa third floor sila ni Amara. Nakaupo siya sa isang sofa habang nakatanaw sa may parteng karagatan. Kalong niya sa kaniyang kandungan ang kaniyang alaga. Napakaganda pa rin sa mata ng view sa parteng iyon. Berdeng-berde ang kapaligiran. Animo ni-re-relax ng magandang view na iyon ang kaniyang isipan.
Huminga siya nang malalim at pinuno ang kaniyang baga.
Nang tumahol si Amara ay tumalon pa ito pababa sa sahig. Nang sundan niya ito ng tingin at mapalingon sa kaniyang likuran ay b
