Nag-thumbs up siya rito. “The best pa rin sa panlasa ko.”
“Thank you. Puwede mo na talaga akong maging asawa,” parinig pa nito sa kaniya bago itinuon ang tingin sa pagkain nito.
Pinigil niya ang pagsilay ng ngiti sa kaniyang labi dahil sa sinabi nito. KG is a big catch. Bukod sa ubod ng yaman, kakisigang taglay ay masarap pang magluto. Narito na ang lahat ng nanaisin ng isang babae sa isang lalaki.
At kahit sa maiksing panahon ay masaya siya na naiparanas ni KG ang other side nito sa kaniya. His real side. Iyong side nito na malayo sa business. Just him.
NAGSUSUKLAY ng buhok si Tami nang pumasok na sa loob ng silid niya si KG. Nakasuot na lang ito ng itim na sweater at cotton na pants sa pang-ibaba. Napahinto si Tami sa pagsusuklay sa kaniyang buhok nang sa pagsampa ni KG sa kama
