IYONG pakiramdam ni Tami nang mga sandaling iyon ay sobrang surreal pa rin. Nasa tabi niya ngayon si Marie. After so many years.
Ngayon niya mas napatunayan iyong sinabi sa kaniya noon ng kaniyang ina na kapag raw nagkaharap na silang muli ni Marie, parang kailan lang mula noong huli silang nagkita. Totoo nga iyon.
Animo nag-flashback pa sa kaniyang isipan noong huling nayakap niya ng ganoon si Marie. Noong nagpaalaman sila sa mismong araw ng kanilang graduation noong sila ay high school pa.
Matapos ng yakap na iyon ay agad niyang pinalis ang luha sa kaniyang mga pisngi. Ganoon din si Marie na parehas pa nilang ikinatawa.
“Parang kailan lang,” bulalas ni Marie. “But, hell, no. It’s freaking twelve years now when we last saw each other. Neneng-nene pa tayo parehas noon.”
Tumango siya.
