MAY kahigpitan pa rin ang yakap ni Tami kay KG nang makasakay sila sa kotse.
“Thank you, hubby. Thank you so much. Hindi ko expected itong surprise mo sa akin,” muli ay pasasalamat ni Tami sa kaniyang asawa. Pauwi pa lang sila nang mga sandaling iyon sa bahay nila. Hindi pa lang pinaandar ni KG ang kotse dahil mahigpit pa rin siya na nakayakap dito.
“Basta alam kong ikakasiya mo, mahal ko, worth it ang effort. Tama lang talaga ‘yong bilin ko kay Mama Anna na ako muna ang tawagan, sa halip na ikaw, kapag dumating si Marie at hanapin ka sa bahay ng parents mo,” ani KG habang yakap din siya. “Sabi ko sa kaibigan mo, tiis muna siya ng ilang oras bago ka makita dahil gusto kong maging special ang muli ninyong pagkikita. At isa pa, hindi ko pa rin makakalimutan na ng dahil sa kaniya ay makikil
