MATAPOS magbawas ng panubigan si Tami ay sinipat pa niya ang kaniyang sarili sa harap ng salamin na nasa loob ng banyo.
Sandali siyang natigilan nang bigla ay maalala si KG at ang isang partikular na babae na siguradong naroon din sa party na iyon. Bigla na lamang iyong sumagi sa kaniyang isipan. Dahilan para wala ng pagdadalawang isip na nilisan na ang kinaroroonan at puntahan na si KG sa mismong venue ng birthday party ni Lex Montiger.
Ngayon ay parang gusto niyang pagsisihan na pinaalis agad niya ito. Medyo late na rin naman kasi sila sa itinakdang oras kaya pinauna na niya si KG para batiin ang kaibigan nito. Baka isipin ng ibang babae na solo lang si KG na pumunta roon.
Naalala niya iyong partikular na eksena sa unang party na dinaluhan nilang dalawa, two years ago, kung palibutan
