Nang matanaw ko mula sa labas na tumigil na ang mga Doktor sa ginagawa nila ay para akong wala sa sariling humakbang papasok sa loob.
Mahina ang aking mga hakbang at parang hindi ko kayang magpatuloy.
Wala ni isa sa mga Doctor at Nurse ang nakapansin sa akin na pumasok.
Si Tita naman ay hinayaan lang akong pumasok sa loob.
Wala ni isa sa kanila ang nakaisip na pumigil sa aking pagpasok.
"Time of death six; forty seven," deklarang wika ng Doktor matapos nilang tulungan si Chad.
Para akong pinagsakluban ng langit at lupa dahil hindi ko matanggap ang narinig.
Wala na si Chad! Paulit-ulit na bumabalik sa tenga ko ang boses ng Doctor na siyang nagdeklara sa oras ng pagkamatay ni Chad.
Umiling ako. "Hindi! Hindi!" paulit -ulit kong tanggi sa kanilang lahat at nagwawala na ako sa loo
