"Sigurado ka na ba Kent? Pag-isipan mo itong mabuti dahil hindi lang ikaw ang mapapahiya sa gagawin mo. Pati rin si Arah at ang buong pamilya niya... ninyo!" paliwanag sa akin ni Gino.
Pabalik-balik ito sa kaniyang dinadaanan at namomorblema rin dahil sa aking nagawa. Kanina pa hinihilot ang kaniyang noo.
Malungkot at naguguluhan akong umalis sa bahay kanina kung saan nandoon si Layna. Tanging si Gino lang ang nakakaalam na nakita ko na si Layna at sapilitan ko itong dinala sa pinagawa kong bahay para rito.
Gaya ng inaasahan ko ay gulat na gulat ito at hindi makapaniwala sa aking ginawa. Reklamo lang ang narinig ko sa kaniya at hindi iyon nakatulong sa akin.
Imbitado rin si Chad sa kasal namin ni Arah at wala itong kamalay malay na nasa poder ko na ang babaeng ilang buwan niyang in
