Nagpaalam ako kay Ate Anna na hindi na muna ako makapaghahapunan sa bahay kasama ang mga kapatid ko. Mas lalo lang akong mahihirapan sa tuwing kaharap ko si Kent lalo na at inaya rin siya ni Ate Anna.
At kahit ilang beses akong sinubukan ni Ate Anna na pigilan ay hindi ako nagpadikta sa kaniyang pasya. Ni hindi ko na nagawang lingunin pa si Kent nang umalis ako palabas ng bahay.
Pinadalhan ko ng mensahe si Chad na huwag na akong sunduin at ganoong din ang driver niya. Sasakay na lang ako ng taxi pauwi sa kaniyang condo para hindi na ako makaabala pa. Kahit hindi niya sabihin ay alam ko na mayroon siyang pinoproblema.
Palabas pa lang ako ng bahay ay nagulat ako nang makita ko na si Arah na nakatayo sa harap mismo ng gate namin. Siguro ay sinundan niya si Kent kaya siya napadpad sa lug
