Hindi ako kaagad nakakibo asa harap ni Sir Chad dahil sa mga pinagsasabi niya. Para akong biglang nabingi sa iba niya pang mga mga dahilan. Paano'ng mapoproseso sa utak ko kung ang rason niya at solusyon ay ang pakikipagrelasyon ko sa kaniya.
Hindi ko na alam kung ano ang sasabihin ko dahil parang may hindi tama. Isa na namang panibagong alok ito na siyang dahilan noon kung bakit ako naiipit sa mga sitwasyon kagaya nito.
Bakit ba ang hirap mamili at magpasya? Bakit kailangan may pagpipilian pa?
"Sir Chad, alam mong mahal ko si Kent... hanggang ngayon. Ginagawa ko 'to dahil ayaw kong may masaktan akong ibang tao at higit sa lahat ayaw ko ring saktan ang sarili ko dahil hindi ko kayang manatili at magpakamarter sa kaniya habang alam ko naman na iba ang mahal niya. Alam kong ginawa niya l
