"Walang mapupuntahan matino ang usapan na 'to. Mabuti pa ay bumalik ka na sa loob ng kwarto at magpahinga!" Matigas niyang utos sa akin bago siya pumasok sa banyo. Hinintay niyang sundin ko siya kaya padabog akong nagtungo sa kwarto.
Ginawa ko ang inutos niya ngunit bago pa man ito makalabas sa banyo ay sinuguro kong hindi na niya ako maaabutan pa paglabas niya. Kinuha ko rin ang bag ko at wala na akong sinayang na pagkakataon para makaalis sa hotel.
Dahan-dahan akong naglakad at tinungo ang pintoan. Pinihit ko ng puno ng pag-iingat ang siradora upang hindi makagawa ng inggay. Nang mabuksan ko ang pinto ay sobrang kinabahan ako dahil para akong magnanakaw.
Habang naglalakad sa pasilyo papunta sa elevator ay tinawagan ko na si Sir Chad. Nanginginig ang aking mga kamay habang hinahanap
