Gulat na gulat ngayon ang dilag at para bang hindi ito makapaniwalang sinigawan siya ni Chad.
"Chad, nakakainis kasi 'tong sekretarya mo at ang matanda na 'to." Turo niya sa amin ni Mrs. Soles na parang bata kung magsalita. "Ayaw akong papasukin!" nakanguso niyang reklamo at pagkatapos ay pasimple pa nitong inirapan si Mrs Soles.
Ang sama talaga ng ugali niya at tiyak akong nakita iyon ni Sir Chad. Tiningnan ko ang maaaring reaksyon ni Sir sa inasta ng inaakala kong nobya niya. Mahinahon lamang ito at parang wala lang sa kaniya ang lahat.
Wala man lang akong nakitang kahit ano'ng emosyon sa mukha ni Sir Chad. Pasimple lamang itong lumapit sa aming gawi at sinabihan si Mrs Soles na umalis na muna at iwanan kami. Napansin ko ang pagbagsak ng mga balikat ng Ginang lalo na nang makita niy
