"We are here," mahina niyang wika ng mapansin niyang nagising na ako.
Dahan-dahan kong binukas ang aking mga mata at bumungad sa akin ang gwapong mukha ni Sir Chad na ngayon ay titig na titig sa akin.
Ewan ko kung panaginip lang ba lahat pero kung hindi ako nagkakamali ay naramdaman kong hinahaplos niya ang aking pisngi habang natutulog ako.
Napaayos kaagad ang upo ko at napahilamos ako sa aking mukha gamit ang aking mga palad. Muntik ko ng makalimutan na magkasama pala kami ngayon papunta rito sa condo ni Kent.
Madaling araw na kasi akong nakatulog sa opisina kagabi at hindi rin ako nakatulog kaninang umaga kahit pa sinabihan niya pa akong mag-half day sa duty. Marami kasi akong mga iniisip kaya nahihirapan akong bawiin ang aking tulog.
"I'm sorry. Kanina pa ba tayo?" nahihiyang t
