Nakatayo lamang ako sa labas habang naghihintay ng masasakyan. Nang may biglang huminto sa harap ko at binuksan ang bintana ng kotse niya. Nakilala ko ito kaagad nang tawagin niya ako upang pumasok.
"Sir, hindi pa kayo umuwi?" nagtataka kong tanong dahil ang akala ko ay iniwan na niya ako nang tanggihan ko siya kanina.
"Just get in!" maawtoridad niyang ani.
Hindi na ako nagdalawang isip pa na pumasok sa loob ng kotse niya. Medyo nakakahiya man pero inisip ko na lang na kailangan ko ng makaalis at isa pa ay ito naman ang nag-offer sa akin.
"Salamat po Sir," nahihiya kong sabi nang makaupo na ako sa harap ng kotse niya.
"It's fine, saan kita ihahatid ngayon?" mahina nitong tanong at hindi pa rin nagbago ang seryoso nitong mukha. Mabini niyang pinapatakbo ang kotse papalayo sa kompanya
