HINDI ALAM ni Strawberry kung aatungal ba siya nang iyak o tahimik siyang luluha habang pinagmamasdan ang kanyang asawa pasakay sa private airplane nila. Basta ang alam niya, kay bigat ng kanyang dibdib at nahihirapan siyang huminga. Naramdaman na lamang niyang tumulo na ang kanyang mga luha. Babalik pa naman ang kanyang asawa pero sadyang naiiyak siyang inihatid ng kanyang tanaw si Spencer paalis. Nakahinga siya nang malamang sa private airplane sasakay sina Dion at Spencer at hindi sila kasama sa airplane na sasakyan ng iba. Iyon kasi ang iginiiit ni Spencer nang sila ay nagkaroon ng meeting sa kumpanya. Nasa taas na ng hagdan si Spencer nang tumigil ito at muling nilingon si Strawberry. Kitang-kita nitong lumuluha ang kanyang asawa na mas lalong nagpabigat sa kanyang mga hakbang. This i
