HINDI na bumalik si Spencer sa kanyang kumpanya. Bagkus ay pinababa niya sina Ferdie mula sa sasakyan. Sinenyasan din ni Ferdie ang sasakyan ng mga bodyguards ni Spencer na huwag nang sundan ito. Napabuntonghininga na lamang silang lahat at napapailing nang pinaharurot ni Spencer ang sasakyan.
"Paano na ngayon 'yan? Ano ang sasabihin natin kay Don Diego?" tanong ng isa habang nakapameywang.
"Ano pa nga ba? Sabihin natin ang totoo! Kasi kapag pinigilan ko ngayon si Spencer dala ng nagbabaga nitong damdamin, aba baka ako pa ang mabukulan. Parang bulkan pa namang sasabog iyon!" sagot ni Ferdie.
Nagkatinginan silang lahat.
"Umuwi muna tayo at sabihin kay Don Diego. Anuman ang utos nito ay susundin natin." Wika ni Ferdie kinalaunan.
Nagsitanguan ang tatlo at sabay-sabay na silang lumulan s
