MABILIS NA lumipas ang sabado at linggo. Medyo nawala na rin ang pagtatampo ni Strawberry kay Spencer. Pero naroon pa rin ang pagdududa nito dahil hindi pa rin nagkukuwento ang kanyang asawa tungkol sa kanila ni Tylane. Pero hihintayin niya hangga't may pagtitimpi pang natitira sa kanya. Bibigyan niya ng time si Spencer para umamin sa kanya. Dahil kung hindi bahala nang maghalo ang tinalupan sa kung saan sila dadalhin ng tadhana.
"Mamaya, pupunta rito si Lolita kukunan ka ng picture maging ang iyong finger print at signature!" wika ni Spencer kay Strawberry habang magmemeryenda sila sa loob ng opisina.
Nagpabili na lang si Spencer kina Adelle nang lumabas ang mga ito. Para raw maiwasan ang pagtatagpo ng mga landas nina Tylane at Strawberry. Bagay na pinanghinayangan ni Strawberry mas gus
