NASA pool si Spencer habang si Strawberry ay panaka-nakang sinisilip ang asawa niya. Tumitiyempo po ito para maisagawa niya ang kanyang plano kaninang umaga pa. Sa divan nakahiga ang kanyang asawa habang tumitipa ito sa kanyang laptop. Nasa round table naman ang iba pa nitong gamit at ang selpon. Napataas ang kilay ni Strawberry at nagpunta sa dirty kitchen. Nginitian niya si Aling Caring na mayordoma nang makita niya.
"May kailangan ka ba Senyorita?" tanong ng matanda.
"Ah...gagawa lang po sana ako ng meryenda ng asawa ko. Ano po ba ang madalas niyang meryendahin kapag nasa pool po siya?" tanong din niya.
"Madalas po prutas ang gusto niya at saka iced tea na may mint." Sagot ni Aling Caring.
"Salamat po!" tugon ni Strawberry.
"Kailangan niyo po ba ng tulong?" muling tanong ni Aling C
