TULAK-TULAK ni Assi ang stroller ni Eros habang naglilibot silang mag-asawa sa isang napakalaking mall kung saan halos lahat na yata ng kagamitan sa buhay ay naroroon at mahihirapan kang mamili kung saang tindahan ka papasok. Napakarami ring kakainan sa lahat ng daraanan, nagugutom tuloy si Assi sa mabangong amoy ng pagkain. “Saan tayo pupunta? Mukhang maliligaw ako rito kung ako lang mag-isa.” Mahina siyang tumawa. Mukha namang kabisado na ng asawa ang mall dahil hawak nito ang kaniyang kamay at ginagaya siya sa daan.
“Let’s check some baby stuffs for Eros tutal narito na rin naman tayo. Then let’s visit some gown boutique shop for your evening gown.”
Pagkatapos nilang magsimba ay nagtungo sila rito upang bumili ng kaniyang susuotin. Biglaan naman kasi ang party na dadaluhan nila kaya
