“MANANG, pakilabas na po ang mga luto ng putahe sa lamesa.” Aligagang-aligaga si Assi sa pag-aasikaso ng mga pagkain. Ngayon ang unang taon ng kaarawan ni Eros. Himbis na pabonggahan pa ito ay mas pinili ni Assi na maging simple lamang iyon at ganapin lamang sa hardin. Mailap siya sa mayayamang tao na nakakasama ni Alejandro sa araw-araw, o mga kaibigan nitong masiyadong matataas pa sa sikat ng araw. Marunong naman siyang makisama, ngunit talagang hindi siya palagay sa mga engrandeng handaan tulad noong ikinasal sila. Hanggang ngayon ay hindi niya pa rin nagagawang makasanayan ang buhay ng mga mayayamang tao datapwat mag-iisang taon na silang kasal ng asawa.
Ang simula ng kanilang pagsasama ay hindi naging madali, lalo na nang maisa-media ang tungkol sa pagpapakasal ng isang Alejandro Po
