NAPAHAWAK si Assi sa kaniyang dibdib. Napakalakas ng t***k ng kaniyang puso at hindi siya mapakali habang sila ay naglalakad patungo sa living room. Hindi niya na kailangan pang makita nang tuluyan ang kanilang mga bisita upang malaman kung sino ang mga ito. Sa pagkakasabi pa lang ng kasambahay ay tiyak na siya. Walang duda. Naunang pumasok sa loob si Alejandro, samantalang siya ay huminto sa gilid.
“Mom? Dad?”
Mula sa kinatatayuan niya kasama si Eros ay narinig niya si Alejandro. Mas lalo tuloy siyang kinabahan at nag-alala sa kasalukuyan niyang hitsura. Pawis na pawis pa naman siya at hindi pa nakakapag-ayos dahil sa pagkaabala sa kusina kasama ang ilang kasambahay. Anong gagawin niya ngayon? Hiyang-hiya siyang humarap sa mga ito. Isinandal niya ang likuran sa pader at niyakap ang an
