NAHIHIRAPAN man ay tinitiis ni Assi ang kirot ng kaniyang tiyan. Hindi niya gustong mag-panic si Alejandro, tinuruan naman sila ng doctor sa kanilang mga dapat gawin upang hindi mag-panic. Hindi na rin naman ito ang unang pagkakataon ng kaniyang pagbubuntis kaya kahit papaano ay may ideya na sila. Mukhang mapapaaga yata ang araw ng kaniyang panganganak sa inaasahan niya, kasisimula lamang kasi ng buwan na ito ngunit heto na at humihilab na ang kaniyang tiyan, senyales na malapit nang lumabas ang kambal.
“Honey, let’s go home.” Bumalik si Alejandro na mayroong dalang isang malaking plastic bag ng mga pinamili, ang ilang karton naman ay tulak-tulak ng isang staff ng grocery upang tulungan itong maibaba sa parking ang mga binili.
Marahang tumayo si Assi habang sapo ang kaniyang tiyan. Mal
