TALAGANG nahihirapan si Alejandro sa pagpili ng pangalan para sa kanilang kambal na anak. Kaya naman nanghingi siya ng tulong sa ilang kaibigan upang makakuha ng ideya, subalit purong magaganda iyon at marami ang babagay para sa kaniyang kambal kaya naman ngayon ay mas lalo siyang nahirapan kung ano ang popiliin lalo na at dalawa lang naman ang kanilang kailangan. Saka niya na lamang iisipin ang tungkol sa pangalan, sa ngayon ay ang dapat niyang isipin ay ang natanggap na tawag kanina lamang pagkagising nila ng umaga. Hindi niya alam kung paano susurpresahin ang asawa, lalo na at hindi naman siya roon magaling. “Honey.” Lumapit siya rito habang abala ito sa pagtutupi ng mga bagong labang damit na siyang ginugulo ni Eros na nakatagod sa gilid ng kama at paikot-ikot sa loob ng kanilang silid
