NATANGGAP ni Assi ang video na kuha ni Belle patungkol sa parcel na natanggap nito sa loob ng mansion kanina lamang, kaagad niya iyong pinanood at hindi niya inasahan na walang kalaman-laman ang kahon na iyon. Mas lalo siyang kinabahan sa bagay na iyon. Kung bakit ba naman kasi kailangan pang makatanggap siya ng mga ganoong bagay? Ano bang problema ng taong nagpapadala nito sa kaniya? At ano naman kaya ang gustong ipahiwatig ng kung sino sa kahon na iyon na walang kalaman-laman? Hindi naman kaya nais lamang nitong ipahiwatig na nagmamasid muli sa kaniya ang taong iyon?
Sa dami ng katanungan sa kaniyang isip ay wala na siyang ibang maisip. Naguguluhan na rin siya at hindi malaman kung ano ang sunod na gagawin. Sa kaba niya at takot ay naisipan niya nang ipadala sa asawa ang video. Subalit
