NANG SUMAPIT ang linggo ay inaya ni Assi ang asawa na magtungo sa simbahan kasama ang kanilang anak na si Eros. Si Myra naman ay bumisita sa kanilang ina. Hindi niya ito pupwedeng pigilan kung nais nitong makasama ng kanilang ina, maging ang mga bagong kapatid. Kamakailan lamang nang malaman niya ang masakit na sinapit ng ina habang nasa ibang pamilya ito. Sa mismong sementeryo na tinitirhan ng mga ito nakalibing ang ikalawang asawa na yumaon nang maaga ng dahil sa isang aksidente. Naawa siya sa ina at mga kapatid, ngunit kailangan niyang magpalipas pa ng bigat sa dibdib. She cannot force herself to do something that is against her will. Sa ngayon ay hinahayaan niya muna si Myra na makasama ito. Hindi naman magtatagal ay gagaan na ang kaniyang loob at muling yayakapin ang ina. Ipinagpapasa
