1 2 3 Asawa ni Marie
AiTenshi
May 19, 2021
Episode 12
Tila nabago ang takbo ng buhay ko sa loob ng isang gabi, nasunog ang kulungan kung saan ako naroon at maraming namatay sa loob ng mga selda. Mabuti na lamang at nakatakas ako mula sa tiyak na trahedyang iyon. Lumusot ako sa isang maliit na butas at noong makalabas ay nagtatakbo ako ng walang humpay patungo kung saan. Natatakot ako na bigla akong makita ng mga alagad ng batas, hulihin at ikulong muli dahil sa kasalanang hindi ko naman ginawa. Sinasabi ko na nga ba, hindi lang masama ang ugali ni Senyorita Annabel dahil may balat pa ito sa pwet na may dalang kamalasan sa aking buhay!
Walang humpay na pagtakbo ang aking ginawa, hindi ko alintana ang sakit ng mga paso at maliliit na sunog sa aking katawan, Tupok rin ang aking buhok at
