*** MAE ***
Isang madamdaming pamamaalam ang ginawa ni Mae sa mga tauhan niya nang umagang iyon. Pagkatapos niyang pumunta sa opisina ng HR Department ay nagpatawag siya ng isang panandaliang meeting sa loob ng kanyang departamento. Agad niyang ipinabatid sa mga ito ang kanyang naging desisyon mula sa mahabang pag-iisip niya kagabi. Lahat ng mga ito ay nagulat. Hindi inaasahan ng mga tauhan niya ang biglaan niyang pag-resign sa trabaho sapagkat inakala ng mga ito na balewala lang sa kan’ya ang pagsubok na kinakaharap. Ang hindi alam ng mga ito ay durog na durog na siya sa mga nangyayari sa kan’ya sa loob ng kompanya. Walang ideya ang kanyang mga tauhan sa plano niyang pag-alis noon na maging siya ay hindi inaasahang maaga itong maisakatuparan.
Handa na ang kanyang Resignation Lette
