“Ka-close mo ba iyong ma-e-engaged mamaya?” tanong ni Miles habang kumakain sila sa isang restaurant sa loob ng mall. Kapag natapos na silang kumain ay saka lang sila maghahanap ng susuotin niya.
Naisip niya si Brianna, ang bride to be. Kailanman ay hindi sila nag-usap nito ng pormal kahit pa napapadalas ang pabisita nito noon sa kompanya nila, kay Jacob mismo. No’ng minsang nagkasama rin sila sa isang dinner ay hindi rin sila nagkibuan lalong-lalo na no’ng halikan siya ni Jacob sa terrace ay mas lalo siyang nahiya rito dahil sa nangyari. Pakiramdam niya’y nagi-guilty siya sa tuwing nasisilayan niya ito kaya masasabi niyang hindi sila close. Habang ang groom to be naman na si Jacob, ang dating ex-boyfriend niyang nagbigay ng saya sa kan’ya noong nasa kolehiyo pa sila, ang nagbigay pana
