Pag-uwi niya sa kanilang bahay ay hindi niya akalaing may handaan palang nagaganap para sa kan’ya. Siya lang yata ang taong nag-resign sa trabaho na ikinatuwa nang lubos ng mga magulang at pinahandaan pa ng mga masasarap na pagkain. Hindi naman masasabing engrande iyon sapagkat sila lang ang naroroon, ang lahat ng kanyang kamag-anak na nasa Maynila. Ayon pa sa kanyang mga magulang, ang selebrasyon na iyon ay pa-welcome sa kanyang pagpasok sa kompanya nila.
“Mabuti naman at nauntog ka na, ‘insan. Ilang taon ka ring nagtatrabaho para sa iba samantalang may kompanya ka namang naghihintay lang sa pamamahala mo.” Si Zach iyon na katabi niyang nakaupo sa outdoor patio. Katatapos lang nilang kumain at parehong nagpapahangin sa labas.
“It’s a wakeup call na rin siguro. My job there wasn’
