Kung malasin nga naman, dalawang araw bago ang kanilang bakasyon ay ibinalita sa telebisyon ang paparating na isang malakas na bagyo. Nakapasok na ito sa Philippine Area of Responsibility kaninang tanghali. Ang mas nakakadismaya pa ay tutumbukin nito ang gitnang Luzon. Dahil sa namumuong sama ng panahon ay kanselado ang local at international flights sa NAIA at kasama na roon ang sa kanila.
“Argh!” Inis na iningudngud niya ang mukha sa pusunan ni Jacob. Nakahiga kasi siya sa mga hita nito habang ito naman ay nakaupo sa mahabang sopa at magkasamang nanunuod sila ng balita. Si anak naman nila ay nasa sahig, abala sa paglalaro.
Natatawang niyuko siya ng asawa at niyakap. “Paano na ‘yan, Mahal? Parang hindi sumabay sa atin ang panahon. Ayaw yata tayong paalisin.”
“Kung kailan
