CHAPTER 24
DRUGGED
NAPIPILITANG DUMALO sa party ng mga Lazaro si Hunter. Wala siyang pagpipilian dahil ayaw naman niyang mapahiya ang mga magulang niya sa pamilya Lazaro. Magkaibigan na ang kaniyang mga magulang at mga magulang ni Ricar, hindi pa man sila naipapanganak ng kinakapatid.
“ Hunter hijo, ” tawag ng kaniyang Mama.
“ ’Ma? ”
“ Ano'ng ginagawa mo rito sa labas, anak? Nagkakasayahan sa loob pero heto ka at umiinom mag-isa. ”
Napipilitan siyang ngumiti sa ina.
“ I'm fine here, Mama. ”
Inakbayan niya ang Donya.
“ Anak naman! Baka ano na lang ang sabihin nina Malena at Manuel, ” tukoy nito sa mag-asawang Lazaro.
“ Papasok ako mamaya, Mama. Magpapahangin lang ako, ” tugon niya para tantanan na siya ng ina.
Gusto niyang malayo sa ingay ng mga tao sa loob ng mansion ng
