CHAPTER 23
CHANGED
HINDI MAPAKALI si Ianira habang nasa tabing dagat siya. Maraming mga bagay-bagay ang gumugulo sa isip niya. Tulad na lamang ng hindi pagkakatuloy ni Hunter sa pagdalaw sa kaniya sa Cape Montana.
Nangako itong babalik makalipas ang tatlong linggo ngunit magdadalawang buwan na at hindi pa ito bumabalik. Iisa o dadalawang beses lang din itong tumawag at nangumusta. At walang tawag na hindi ito nagmamadaling tapusin ang usapan nila.
Ang dami niyang gustong sabihin at itanong dito, ngunit wala na itong panahon para sa kaniya. Siguro nga ay talagang marami itong inaasikaso.
“ Ate! ”
Napatalon si Ianira sa gulat dahil sa sigaw ni Kiara na nasa tabi na niya pala. Ni hindi man lamang niya nakitang narito na ang kapatid.
Kagagaling nito sa paaralan, at mukhang dumeretso
