Chapter 67
Panay ang tingin ko sa wrist watch na suot ko at hindi binibigyang atensyon ang nagtuturo sa harapan. Hindi na din ako mapakali sa kinauupuan ko dahil para akong naiihi na ewan. Kanina ko pa gustong lumabas dito sa class room at tumakbo pauwi sa bahay dahil baka nandoon na si Jace.
Ayaw ko na nga din sanang pumasok ngayong araw dahil ngayon ang dating niya pero may recitation kami sa isa naming subject kaya hindi ko magawang um-absent. Last subject na namin 'to ngayon, pero ang tagal-tagal pa bago kami palabasin.
Nang ianunsyo ng guro sa harapan na tapos na ang klase namin sakanya ay kaagad akong tumayo at inayos ang mga gamit ko saka nagmadaling ilagay sa bag.
"Bes, una na ako, ha?" nagmamadaling paalam ko kay Hansal na naglalagay ng lipstick ngayon.
"Mag-pakipot ka muna,
