Chapter 70
Iyak ako ng iyak habang nakasakay ako sa taxi pauwi sa bahay ng mga magulang ko. Hindi ko alam kung bakit ako ganito, eh samantalang desisyon ko ang umalis doon. Pinili kong iwan siya para sakanila ni Georgina. Pinili kong umalis para sakanilang dalawa.
Pero bakit nasasaktan ako? Bakit pakiramdam ko pinupukpok ng maso ang puso ko? Hindi ba dapat ay matuwa ako dahil kagustuhan ko ito?
Sinubsob ko ang mukha ko sa bag na dala ko. Nalulungkot lang siguro ako dahil matagal din akong tumira sa bahay na iyon. Tama naman 'yung ginawa ko, eh. Para matapos na ang lahat ng ito. Magiging maayos din siguro ako.
"Hija, ayos ka lang ba, ha?" tanong ng driver. Okay lang ba talaga ako?
Nag-angat ako nang ulo saka tumingin sakanya ng nakangiti.
"Opo, Manong. Huwag niyo po akong pansinin," t
