"Tindera ng ulam??!!!"
Napahawak ako nang mahigpit sa strap ng sling bag na nakasukbit sa katawan ko, nang marinig ko ang malakas na pagkakasabi nun ni Donya Minerva.
Kanina pa nag-uusap sa dining area ang mag-ina. Andito lang ako sa labas ng pintuan kaya dinig ko ang malakas na usapan nila. Si Zyrus ay pinasama muna namin sa bahay nila Annika. Ayokong maramdaman niya ang tensiyon na nagaganap sa bahay na ito ngayon.
"So what, Mama?" dinig kong sagot ni Chad.
"My goodness, Chad! Isa kang Samaniego! Kailan ka pa nawalan ng class???"
Biglang kumabog ang dibdib ko. Obvious na obvious na hindi sang-ayon sa akin ang Mama ni Chad.
"And how about that child?! How can you be so sure na anak mo nga iyung batang iyon??!"
Napahawa
