"Good evening po, Sir, Ma’am," ang magiliw na bati sa kanila ng matandang babae, na marahil nasa singkuwenta na ang edad, nang sumalubong ito sa pintuan ng bahay ni Vincent.
Ngumiti siya at binati rin ang matandang babae.
"Good evening, Manang Lourdes," nakangiting bati ni Vincent sa kasambahay.
Pansin niyang magiliw ito sa kasambahay at mukhang ginagalang ito ni Vincent. Napangiti siya. Kahit papaano, may isang bagay pa lang maganda kay Vincent.
"She's Ella. My wife, Manang Lourdes," nakangiti pa ring pakilala ni Vincent sa kanya.
Nagulat pa siya dahil ipinakilala siya nitong asawa. Lihim niya itong sinulyapan. At sa isang segundo, may kung anong gumaan sa dibdib niya nang marinig ang salitang wife mula sa bibig nito.
"Ang ganda naman po pala ng Misis n’yo, Sir. Buti na lang a
