AYAW lumipat ni Sphinx sa kabilang kuwarto. Wala din daw mababakanteng silid ngayon sabi ng receptionist. Wala akong magagawa kung hindi magtiis kasama siya. Kanina pa ako pabalik-balik ng lakad dito sa loob ng aking silid. Ang dalawang lalake naman ay masinsinang nag-uusap gamit ang ibang lengguahe.
Kung sa ibang hotel kaya kami mag-check in. Baka may hotel sa malapit na hindi pa fully booked. Kaso baka mamaya isipin ni boss na masyado naman akong sabik sa kaniya. Tiis na lang talaga na kasama si Sphinx hangga't nandito kami.
Hindi ko din natanong si boss kung ano ang plano niya. Kung saan kami susunod na pupunta. Wala na ang bahay niya sa isla. Natupok na.
Sinulyapan ako ni boss. Mukhang naiirita na siya sa paroo't parito ko, kaya nagpasya akong maupo na lang muna sa kama.
Panaka
