KASUNOD niyon ang masuyong halik sa labi ni Estelle. Bahagyang nanginginig ang labi niya dahil pa sa gulat. Hindi niya akalain ang tahasang pagpapahayag ng nararamdaman nito. Para bang bumalik siya sa nakaraan. Nang mga panahon na sinusuyo pa lang siya nito. ‘Yong panahon na wala pa siyang muwang at kaya nitong manipulahin.
Bahagyang tinulak niya si Kurt.
“S-sabi ko naman sa’yo, handa akong tanggalin sa isipan ko ang ginawa mo sa akin, alang-alang kay Asher. Pero hindi pa kaya ng puso ko na magtiwala sa ‘yo, Kurt. Naguguluhan ako sa t’wing ganito ka sa akin. Takot rin ako na baka isa na namang panaginip ito. T-tama na, Kurt.”
“No, Estelle. Maniwala ka sa hindi, totoo nga ang pinaramdam ko sa ‘yo noon. A-ang mali ko lang noon talaga, ang dinamay kita. Wala akong ibang babaeng hinangad mu
