PAGKATAPOS ni Estelle maghugas ng mga pinagkainan, saka lang siya nagkaroon ng oras para libutin ang bahay ni Kurt. Of course, si Asher ang kasama niya. Mayroong limang silid ang malaking bahay na iyon ni Kurt, maliban pa sa study at gym nito.
Sa labas naman, may dalawang modern bahay kubo na nakaharap sa magandang tanawin ng taal lake, magkabilaang gilid iyon. Mukhang dating resort ito na ni-renovate lang. At sa pinaka-unahan naman ay ang malawak na pool. Talagang nakaharap din sa lake kaya magandang view rin kahit doon ka lang tumambay. Delikado nga lang sa mga bata dahil bangin na iyong pinakadulo ng pool. At doon bumababa ang tubig na lumalagpas sa pool. Hindi pa niya nakita ang harap niyon, pero sa tingin niya, bumabagsak lang ang tubig doon pero bumabalik naman. Maganda rin siguro k
