INILINGA ni Estelle ang paningin sa paligid nang makapa na naman ang pagtaas ng lagnat ni Asher. Kinapa niya ang bulsa pero wala nang pambili ng gamot. Ubos na ang perang nakuha niya sa panlilimos kanina dahil binili niya ng apat na sachet ng gatas. Gutom na rin ang anak. Wala na rin itong nakukuhang gatas sa kanya. Ang gamot na binigay ng barangay sa kanya, kakaubos lang din.
Sunod-sunod ang lagnat ng anak nitong nakaraan kaya mabilis ding naubos ang gamot. Maliit pa ang bote kaya talagang inuman lang. Para bang sample lang ang binigay sa kanya. Eh, kailangang every 4 hours ang painom sa bata. Nasa Luneta park na nga siya ngayon para manghingi nang tulong sa mga makakasalubong para makabili ng gamor para sa anak. Pero imbes na pera ang ibibigay, sermon at kung anu-ano ang binabato ng mg
