Nagsukatan sina Lorraine at Philipp nang tingin nang basagin 'yon ni Salvacion.
"O, nandiyan na pala si Black Princess," anito na tila hindi agad nahalata ang tensyon sa pagitan nila. "Alam mo bang kanina ka pa namin hinahanap, akala namin ay kung napaano ka na," palatak pa rin nitong wika.
Walang umimik kina Lorraine at Philipp bagay na napansin na ni Salvacion.
"O, ops, sorry, may pinag-uusapan ba kayo?" saad na nito nang mapansin ang tensyon sa pagitan ng bawat tingin nila.
"Wala naman," agad na sagot ni Lorraine at nagpatiuna nang naglakad pabalik sa mesa nila.
Mabilis namang inusisa ni Salvacion si Philipp. "Ano'ng nangyari doon? Teka, nag-aaway ba kayo?" usisa nito sa kanya.
Nagkibit-balikat lamang si Philipp dahil maging siya ay naguguluhan sa inaasal ni Lorraine mula nang ma
