Maingat ang bawat galaw nila pasugod sa direksyon nang muling papalakas na palitan ng putok ng baril ang narinig nila. Binalingan ni Philipp si Lorraine at kitang hawak rin nito ang baril nito, bakas sa mukha nito ang pag-aalala at takot. Napansin yata ng babae ang kanyang paglingon dito kaya tumingin din ito sa kanya.
"Bakit?" usisa nito.
"Wala, ayos ka lang ba?" muling tanong dito.
Agad na tumango si Lorraine bilang tugon kay Philipp, sa totoo lang ay takot na takot siya pero kailangan niyang maging matapang para sa mga kasamahan. Bilang lider nila ay hindi dapat siya nagpapakita ng anumang kahinaan.
Nakitang nauna na ang kambal papasugod sa direksyong tinahak ng mga naunang kasamahan kaya mabilis na sumunod sila sa mga ito. Maya-maya ay nakitang sumenyas si Jessy sa kabilang direksy
