Pagkatapos nilang iligpit ang kanilang pinagkainan ay nagpaalam si Philipp na tutungo na muna ito sa kanyang opisina. Niyaya niyang sumama si Lorraine pero tumanggi ito dahil wala naman siyang gagawin doon at tiyak na maiilang lang siya kay Philipp.
"Are you sure, ayaw mong sumama? Wala kang makakasama rito," paniniguro pa sa kanya ni Philipp.
"Oo, ayos lang ako rito, wala naman akong gagawin sa office mo kundi tumunganga," aniya sa lalaki.
Hindi n nagpumilit pa si Philipp na isama si Lorraine, tutal ay may meeting rin siya ng lunch sa labas ng kanyang opisina.
"Sure ka bang kaya mo rito mag-isa?" hirit na tanong kay Lorraine. Nakita niyang umikot ang mata nito na tila nakukulitan na sa kanya.
"Hindi na ako bata," may halong inis sa tinig ni Lorraine. Napangiti na lamang si Philipp.
