Suot ang eleganteng dress na binigay ni Philipp sa kanya ay nagtungo sila sa kasal ng pinsan nitong si Sherly. Mula nang magkandaletse-letse ang buhay nilang pamilya ay hindi na siya nakakadalo pa ng ganoong mga event.
"Nanlalamig ang kamay mo, ayos ka lang ba?" untag na tanong ni Philipp sa kanya.
Hindi kasi maiwasang pagpawisan ang palad lalo pa at wala siyang kakilala roon maliban sa Tita Stella nito at sa magkapatid na Sherly at Sheryl at pawang mga kamag-anak na ni Philipp.
"O-Oo, ayos lang ako," agad niyang kaila sa lalaki na nahalata naman nito.
"Don't worry, hindi naman kita iiwan doon at naroroon naman sina tita," saad naman nito para matanggal ang kaba niya. Gayun pa man ay hindi pa rin niya maiwasan lalo at maging ito ang kasama ay labis ang kabang nadarama.
Malapit na sila
