Pagdating nina Philipp at Lorraine sa simbahan ay halos patapos na ang seremonyas ng kasal ng pinsan nitong si Sherly. Mabuti na lamang at hindi naman na 'yon napansin ng tiyahin ni Philipp dahil masyado itong naging abala sa ibang bisita.
"Mabuti naman at nakadalo kayo?" anang nito matapos ang seremonyas.
"Well, makailang beses tumawag sina mama at papa upang paalalahanan ako, tita, ako lang daw ang nandito kaya dapat ay dumalo ako," tugon ni Philipp.
"So, kumusta nga pala ang mama at papa mo, ayos lang ba sila doon?" usisa naman ng tiyahin sa kalagayan ng mga magulang sa Amerika, matapos lumipad patungo roon noong isang araw.
Mabuti na lamang at walang nangyaring masama nang ihatid ng mga ito ng ilang kasamahan sa trabaho, since pinauwi na muna nila sa probensiya ang driver nila na
