Hindi rin nagtagal mula nang umalis si Lucas ay umuwi na rin si Daddy sa bahay. May mga tanong akong gusto kong sagutin kaagad ni Daddy pero hindi ko muna iyon binungad sa pagdating niya gayong kitang-kita ko sa mga mata ni Daddy at pagod at halatang wala siyang sapat na tulog nitong nagdaang araw.
Tanong tulad ng kung ano na ang nangyari sa Daddy ni Lucas. Tanong ng kung magtatagal ba ang Daddy niya roon at mapaaano na si Lucas.
"Ale, dito galing si Lucas kanina," si Mommy nang umupo kami sa sala kasama si Dad. " He explained everything. Maibabalik naman raw niya ang lahat sa dati kaya hindi na dapat tayo mag-alala pa." Pagpapatuloy ni Mommy.
Bumaling ang tingin ni Daddy kay Mommy. Suminghap ito nang malalim na hininga bago akmang magsasalita.
"Bumalik na sa account natin ang nawa
