Chapter Twenty Seven
KYLA
HINDI ako makapaniwala sa mga nalaman ko mula kay Doc Ben.
Posible nga kayang anak niya si Caloy? Ini-imagine ko ang mukha nilang dalawa, ang features nila kung mayroon mang pagkakapareho. Pero mas napapraning lang ako sa kaiisip sa mga bagay na ito.
Nakatitig lang ako sa kanya habang wala pa ring masabi.
Wala akong masabi dahil nasa estado pa rin ng pagkagulat ang aking kaisipan. Hindi ko malaman ang tamang salitang sasabihin at isasagot dahil wala akong mahagilap mula sa isipan kong ngayon ay puno ng iba't ibang kaisipan.
"Alam kong nagugulat ka hija, ngunit hindi ko rin alam kung paano ko ito sasabihin sa totoo lang," aniya.
"Doc, gaano po kayo kasigurado sa sinasabi ninyo?"
Sa wakas ay nakapagsalita na ako. Ngayon ay diretso na ang tingin ko sa kanyan
