Dahil ayaw na niyang masaktan pa ang damdamin ni Amara hindi na niya sinabi sa asawa ang mga masasakit na sinabi ng lolo niya rito. Sinabi na lang niyang huwag na lang nilang pag-usapan pa ang tungkol sa Don, wala na rin naman itong magawa pa dahil mag asawa na sila ngayon. Nais na nga niyang sabihin sa asawa na mahal niya ito, kaya hindi na ito dapat mangamba pa sa kung ano ang mangyayari sa pagsasama nila. Handa naman kasi niyang ipaglaban ito ano man ang mangyari.
"Alam ko na maraming sinabi ang lolo mo na hindi maganda tungkol sa akin at ayaw mo lang sabihin," nakasimangot pang sabi nito sa kanya.
"Amara, hindi naman na importante pa kung ano ang sinabi ni lolo sa iyo. Ang mahalaga ay magkasama tayo at masaya naman tayo. At higit da lahat kumpleto tayo," tugon niya sa asawang nakasim
