Nagising siya sa sunud-sunod na ingay ng ring ng kanyang cellphone, kaya naman bumangon na siya at kinapa ang cellphone na nasa side table nang makaupo siya sa kama. Sakto namang tumigil na ang pag ring non kaya naman sinilip na muna niya ang oras sa orasan na nasa side table din. Tanghali na pala, balak pa naman niyang magising ng maaga para tumambay sa lobby ng hotel magbabakasali sana siyang makita ang babaeng nakita ni Matteo.
Napakunot ang noo niya nang mabasa ang pangalan ni Alvin sa cellphone. Agad siyang bumaba ng kama habang hawak ang cellphone tinitignan kung may text message sa kanya si Alvin. Nakita kasi niyang marami itong missed called. Nakatulog lang siya ng malalim dahil sa pagod sa biyahe.
Lumakad siya patungo sa veranda na walang ano mang saplot kundi boxer short lang.
