"Batang kamukhang-kamukha ko?" Kunot noong tanong niya kay Matteo, ang bunso sa kanilang tatlong magkakapatid.
Dahil hanggang ngayon may galit pa rin siya kay Don Marcelo, kaya ang kapatid niyang si Matteo ang inutusan niyang magtungo sa San Miguel upang samahana ang Don at tulungan ito saglir sa asyenda. Pumayag naman ang kapatid sa pamimilit niya. Sinabihan na lang niyang huwag matutulog sa mansyon, baka kung ano kase ang maisip ng lolo nila para mamanduan din ang kapatid. Tama na na siya lang ang sinubukang pasunurin ng Don. Wala naman kasi itong nagawa dahil hindi siya nito napasunod. Apat na taon na ang lumipas mula ng pilit siyang pinakakasal kay Melissa ng lolo niya. Nagmatigas siya sa Don at hindi sumunod sa gusto nito, kahit pa tinakot siya ng Don na hindi nito ibibigay sa kanya
