Matapos ang kasal nila nagtungo sila sa restaurant para doon sila mag celebrate, kasama pa rin nila sina Angela at Jake.
"Grabe naman parang hindi pa rin ako makapaniwala na ang bagong mukha ng channel 8 ay asawa na ng isa sa pinaka mayaman sa bayan ng San Ignacio," kinikilig na sabi ni Angela sa kanila habang kumakain silang apat.
"Tama iyan, kaya huwag niyong pahirapan ang misis ko, kung hindi i pu-pull out ko siya," biro ni Marco sa mag asawa. Tumalon pa ang puso niya sa tinuring nito sa kanya. Misis. Ang sarap pakinggan ng salitang iyon mula kay Marco, iyung tipong tumatagos sa dibdib.
"Don'r worry mas aalagaan namin si Savannah ngayon, dahil kayang-kaya na niyang bilhin buong network namin," tumatawang sabi naman ni Jake. Nagtawanan sila sa sinabi nito. May katotohanan naman kasi a
